कार्तिक आर्यनच्या चाहत्यांना Good News, नवीन सिनेमाची घोषणा, चित्रपटाचं नाव आहे फारच अ‍ँटिक!
मुंबई-‘भूल भुलैया ३’ या ब्लॉकबस्टर चित्रपटानंतर कार्तिक आर्यनच्या आगामी रोमँटिक चित्रपटाची घोषणा करण्यात आली आहे. या चित्रपटात अभिनेता एका रोमँटिक मजनूची भूमिका साकारणार आहे. ज्याच्यासाठी मुली दिवान्या झालेल्या असतात. या चित्रपटाचे नाव आहे ‘तू मेरी मैं तेरा, मैं तेरा तू मेरी’. करण जोहर या सिनेमाची निर्मिती करत आहे. कार्तिकच्या नव्या सिनेमाची घोषणा झाल्यापासून त्याचे चाहते खूप खुश झाले आहेत.
कार्तिकने घेतली आईची शपथ
‘तू मेरी मैं तेरा, मैं तेरा तू मेरी है’ असे या चित्रपटाचे नाव आहे. हा चित्रपट पुढच्याच्या पुढच्या वर्षी म्हणजेच २०२६ मध्ये रिलीज होतोय. या सिनेमाचा एक छोटा टीझर रिलीज झाला आहे. ज्यामध्ये कार्तिक आर्यनचा आवाज बॅकग्राऊंडमध्ये ऐकू येतो. तो म्हणतो- सगळ्यांना माहित आहे, माझे तीन ब्रेकअप झाले आहेत. पण माझ्यापासून विभक्त झाल्यानंतर माझ्या तिन्ही मुलींची अवस्था दयनीय झाली आहे, हे कोणालाच माहीत नाही. चौथीसोबत असे होणार नाही, मला कोणीही तिच्यापासून वेगळे करू नये यासाठी मी माझे संपूर्ण आयुष्य पणाला लावीन. मी त्याला फोमो होऊ देणार नाही. मी आईची शप्पथ घेतो… आणि हा ममाज् बॉय ती नक्की पूर्ण करेल.
२०२६ मध्ये रोमान्सचा तडका
करण जोहरने इंस्टाग्रामवर पोस्ट करून कार्तिक आर्यनच्या या चित्रपटाची घोषणा केली. करणने टीझर शेअर करत लिहिले – ‘तुमच्यासाठी ख्रिसमसची मोठी भेट. कार्तिक आर्यन- तू मेही मै तेरा, मै तेरा तू मेरी. हा चित्रपट २०२६ मध्ये थिएटरमध्ये येतोय. समीर विध्वंस यांनी या सिनेमाचे दिग्दर्शन केले आहे. हा चित्रपट करण जोहरच्या धर्मा प्रॉडक्शनच्या बॅनरखाली बनत आहे.
कोण असेल कार्तिक आर्यनची नायिका?
या चित्रपटातील नायक कार्तिक आर्यन आहे. पण त्याच्या विरुद्ध अभिनेत्री कोण असेल याचा खुलासा अद्याप झालेला नाही. अशा परिस्थितीत या चित्रपटात त्याच्यासोबत दिसणाऱ्या अभिनेत्रीचे नाव जाणून घेण्यासाठी चाहतेही आतुर झाले आहेत. बरेचजण सोशल मीडियावर सतत कमेंट करत नायिकेचे नाव विचारत आहेत