भारताशी घेतला पंगा, अमेरिकेने शिकवला धडा, आता चीननेही कॅनडाला दिला मोठा धक्का

गेल्या काही दिवसांपासून भारताचे कॅनडासोबतचे संबंध ताणले गेले आहेत. भारतातील अनेक गुन्हेगारांना कॅनडामध्ये आश्रय मिळालाय. त्यांच्यावर कारवाई देखील केली जात नाहीये. भारताशी अगोदरच संबंध बिघडलेल्या कॅनडासाठी अजून एक वाईट बातमी आहे. हे प्रकरण चीनशी संबंधित आहे, ज्याने जस्टिन ट्रूडो यांच्या सरकारला जोरदार झटका देण्याची तयारी केली आहे. यामुळे आता कॅनडाच्या अडचणीत वाढ होणार हे स्पष्टच आहे. चीन उइगर मुस्लिम आणि तिबेटशी संबंधित मानवी हक्कांच्या मुद्द्यात दोन कॅनेडियन संस्थांमधील सुमारे 20 लोकांवर चीन बंदी घालणार आहे.

चीनच्या परराष्ट्र मंत्रालयाने 21 डिसेंबरला जाहीर केले की, कॅनेडियन संस्थांमधील 20 लोकांची मालमत्ता जप्त करणार आहेत. फक्त हेच नाहीतर त्यांच्या देशात प्रवेशबंदी देखील घालणार आहेत. हे लोक कॅनडामध्ये वास्तव्यास आहेत. यानुसार आता या लोकांची मालमत्ता जप्त करण्याचे काम सुरू आहे. या बंदीअंतर्गत चीनमध्ये उइगर संस्थेशी संबंधित 15 जणांची मालमत्ता जप्त करण्यात आली.

याशिवाय या व्यक्तींना हाँगकाँग आणि मकाऊसह संपूर्ण चीनमध्ये प्रवेश करण्यासही बंदी घालण्यात आली आहे. चीनकडून कडक पाऊले उचलली जात आहेत. चीनवर आता गंभीर आरोप हे कॅनडाच्या मानवधिकार गटांनी केले आहेत. चीनकडून उइगर मुस्लिम समुदायाचे मोठ्या प्रमाणात शोषण केले जात असल्याचाही आरोप करण्यात आलाय. एक कोटी उइगर मुस्लिम नजरकैदेत असल्याचा आरोप आहे.

हेच नाहीतर त्यांना चीनमध्ये जबरदस्तीने काम करायला लावला जात असल्याचाही आरोप आहे. हे सर्व आरोप चीनने अगोदरच फेटाळून लावले आहेत. चीनने 1950 मध्ये तिबेटचा ताबा घेतला आणि त्याला शांततापूर्ण मुक्ती म्हटले होते. कॅनडाचे अमेरिकेसोबतचे संबंध ताणले गेले आहेत. गेल्या काही दिवसांपासून भारताचे देखील कॅनडासोबत संबंध ताणले गेले आहेत. कॅनडामध्ये राहून अनेक गुन्हेगार भारतात गुन्हेगारीच्या घटना घडवत आहेत.