मोग-याचे गजरे, भरगच्च कानातल्यांत 70 वर्षांच्या रेखाला बघून बसेल धक्का, काठी टेकायच्या वयात करतेय कलेजा खल्लास

बॉलिवूडमधील एक महान अभिनेते म्हणून ओळखले जाणारे दिवंगत राज कपूर यांचे योगदान आजही सिनेसृष्टीच्या स्मृतीत अजरामर आहे. त्यांच्या 100 व्या वाढदिवसाच्या निमित्ताने कपूर कुटुंबाने आयोजित केलेल्या विशेष फिल्म फेस्टिवलमध्ये त्यांचे अप्रतिम सिनेमे पुन्हा एकदा चाहत्यांसमोर सादर करण्यात आले. या सोहळ्याने कपूर कुटुंबाचं खास नातं आणि बॉलिवूडचा जुना सुवर्णकाळ पुन्हा एकदा सर्वांसमोर उलगडला.

या सोहळ्याला मोठमोठ्या सेलिब्रेटीजनी सुद्धा हजेरी लावली होती. आलिया-रणबीर, जेनेलिया-रितेश देशमुख अशा प्रसिद्ध कलाकारांनी या कार्यक्रमाची शोभा वाढवली. मात्र, या कार्यक्रमातील सर्वात भावनिक आणि लक्षवेधी क्षण होता तो रेखा यांचा, ज्यांनी राज कपूर यांच्या आठवणी जागवत आपला सौंदर्यपूर्ण लुक सादर केला. (फोटो सौजन्य :- योगेन शाह)

रेखा या बॉलिवूडमधील एव्हरग्रीन ब्युटी म्हणून प्रसिद्ध आहेत. राज कपूर यांचे फोटो पाहून त्यांच्या डोळ्यांत अश्रू दाटून आले आणि त्या भावुक झाल्या. त्यांच्या चेहऱ्यावर दिसणारा नॉस्टॅल्जियाचा भाव सर्व उपस्थितांसाठी एक स्मरणीय क्षण ठरला. या भावनिक क्षणी अभिनेत्री आलिया भट्टने त्यांचं स्वागत केलं आणि त्यांच्यासोबत काही फोटोज सुद्धा क्लिक केले. आलिया तिच्या सुंदर साडीमध्ये मोहक दिसत होती, मात्र रेखा यांचा शालीन लुक तिच्या लुकवर भारी पडला.